తిరుపతిలో నిత్యపెళ్ళికొడుకు - ఎన్ని పెళ్ళిళ్ళు తెలిస్తే...!

నిత్యకళ్యాణం.. పచ్చతోరణం.. ఇది ఎప్పుడూ తిరుమలలో వినిపిస్తుంటుంది. స్వామివారి చెంత వివాహం చేసుకొని ఒక్కటవ్వాలని అందరూ భావిస్తుంటారు. అందుకే ఎప్పుడూ వివాహాలు జరుగుతూనే ఉంటాయి. కానీ నిత్యకళ్యాణం కన్నా ని

నిత్యకళ్యాణం.. పచ్చతోరణం.. ఇది ఎప్పుడూ తిరుమలలో వినిపిస్తుంటుంది. స్వామివారి చెంత వివాహం చేసుకొని ఒక్కటవ్వాలని అందరూ భావిస్తుంటారు. అందుకే ఎప్పుడూ వివాహాలు జరుగుతూనే ఉంటాయి. కానీ నిత్యకళ్యాణం కన్నా నిత్యపెళ్లికొడుకు బాగోతం తిరుపతిలో బయటపడింది. ఒకటి రెండు ఏకంగా నలుగురు యువతలను పెళ్ళి చేసుకున్నాడు ఈ ప్రబుద్ధుడు. ఒకరికి తెలియకుండా మరొకరిని కలుస్తూ మూడుసంవత్సరాల పాటు ఎలాంటి ఇబ్బంది లేకుండా నెట్టుకొచ్చాడు. కానీ నిన్న మూడో భార్య విషయం తెలిసిపోవడంతో నిత్యపెళ్ళికొడుకు కటకటాల పాలయ్యాడు. 

తిరుపతిలో నిత్యపెళ్ళికొడుకునే పోలీసులు అరెస్టు చేశారు. ఒకరికి తెలియకుండా మరొకరికి పెళ్ళి చేసుకుంటూ తిరుగుతున్న చిత్తూరు జిల్లా భాకరాపేటకు చెందిన నాగభూషణం అనే వ్యక్తిని పోలీసులు అరెస్టు చేశారు. మూడో భార్య లక్ష్మి ఫిర్యాదుతో పోలీసులు నిందితున్ని అదుపులోకి తీసుకున్నారు. గత నాలుగు సంవత్సరాల నుంచి నాగభూషణం తిరుపతిలో ఉంటూ కృప, కల్పన, లక్ష్మితోపాటు మరో మహిళను కూడా వివాహం చేసుకున్నాడు. విషయం కాస్త మూడవ భార్య లక్ష్మికి తెలియడంతో తిరుపతి ఈస్టు పోలీసులను ఆశ్రయించింది.