శుక్రవారం, 29 మార్చి 2024
  1. క్రీడలు
  2. క్రికెట్
  3. వార్తలు
Written By pnr
Last Updated : శుక్రవారం, 26 మే 2017 (16:28 IST)

దేవుడి ప్రసాదాన్ని స్వీకరించకుండా భార్యతో గడిపిన క్రికెటర్ ఎవరు?

ఢిల్లీకి చెందిన వెటరన్ క్రికెటర్, డాషింగ్ ఓపెనర్ ఎవరంటే ఠక్కున గుర్తుకు వచ్చే పేరు వీరేంద్ర సెహ్వాగ్. ఈ క్రికెటర్‌కు మరో క్రికెటర్ దేవుడితో సమానం ఆ దేవుడు ఎవరో కాదు క్రికెట్ దిగ్గజం మాస్టర్ బ్లాస్టర్

ఢిల్లీకి చెందిన వెటరన్ క్రికెటర్, డాషింగ్ ఓపెనర్ ఎవరంటే ఠక్కున గుర్తుకు వచ్చే పేరు వీరేంద్ర సెహ్వాగ్. ఈ క్రికెటర్‌కు మరో క్రికెటర్ దేవుడితో సమానం ఆ దేవుడు ఎవరో కాదు క్రికెట్ దిగ్గజం మాస్టర్ బ్లాస్టర్ సచిన్ టెండూల్కర్. వీరిద్దరు కలిసి భారత క్రికెట్ జట్టుకు ఎన్నో చిరస్మరణీయమైన విజయాలను అందించారు. ఆ తర్వాత ఇద్దరూ క్రికెట్ కెరీర్‌కు స్వస్తి చెప్పారు. 
 
అయితే, క్రికెట్ దిగ్గజం సచిన్ టెండూల్కర్ బయోపిక్ 'సచిన్: ఎ బిలియన్ డ్రీమ్స్' అనే చిత్రం శుక్రవారం ప్రపంచ వ్యాప్తంగా విడుదలైంది. ఇది విడుదలైన తొలి ఆట నుంచి పాజిటివ్ టాక్‌ను సొంతం చేసుకుంది. ఇదిలావుంటే, భారత క్రికెటర్ల కోసం ఈ సినిమాను బుధవారం ముంబైలో ప్రత్యేకంగా ప్రదర్శించారు. అయితే ఈ ప్రీమియర్‌కు సచిన్‌కు అత్యంత ఇష్టమైన ఓ వ్యక్తి రాలేదు. ఆ క్రికెటర్ ఎవరో కాదు వీరేంద్ర సెహ్వాగ్. 
 
నిజానికి సచిన్‌ను దేవుడు, గురువు అంటూ సెహ్వాగ్ సంబోధిస్తుంటాడు. కానీ, సచిన్ : ఏ బిలియన్ డ్రీమ్ చిత్రానికి ఎందుకు రాలేదన్నది ఆసక్తికరంగా మారింది. దీంతో డాషింగ్ ఓపెనర్ వివరణ ఇచ్చారు. అదీ కూడా ఓ వీడియో ద్వారా. "ప్రీమియర్‌కు తనకు ఆహ్వానం అందింది. అయితే ఇదే సమయంలో నేను నా భార్యతో హాలిడే ట్రిప్ లో ఉన్నా. దేవుడి ప్రసాదాన్ని ఆస్వాదించకుండా... భార్య ఆర్తితో గడపాల్సి వచ్చింది" అని అందులో పేర్కొన్నారు. 
 
వాస్తవానికి డ్రెస్సింగ్ రూములో ఉన్నప్పుడు, నాన్ స్ట్రైకర్‌గా క్రీజులో ఉన్నప్పుడు సచిన్‌ను ఫ్రీగా చూశానని... ఇప్పుడు సచిన్ బ్యాటింగ్ చూసేందుకు డబ్బును, సమయాన్ని ఖర్చు చేస్తానని చెప్పాడు. ఈ సినిమా ద్వారా ఎంతో మందిలో సచిన్ స్ఫూర్తిని నింపుతాడని సెహ్వాగ్ అభిప్రాయపడ్డాడు.