Widgets Magazine Widgets Magazine

ముందే చెప్పి మరీ కోహ్లీ పనిపట్టిన అమీర్.. టీమిండియా మైండ్ గేమ్‌తోనే కుప్పగూలిందా?

హైదరాబాద్, సోమవారం, 19 జూన్ 2017 (00:59 IST)

Widgets Magazine
pakistan players

ఐసీసీ చాంపియన్స్ ట్రోఫీలో దాయాది పాకిస్తాన్ జట్టుపై అనూహ్యంగా చిత్తయిపోయిన టీమిండియా మైదానంలోకి అడుగుపెట్టకముందే పాక్ బౌలర్లు ఆడిన మైండ్ గేమ్‌కు ముందస్తుగానే బలైపోయిందా? అంటే అవుననిపిస్తోంది. ఆటమొదలు కాకముందే టీమిండియా కెప్టెన్ విరాట్ కోహ్లీ పని పట్టడమే నా తొలి లక్ష్యమని పాక్ ఫేసర్ మహమ్మద్ అమీర్ హెచ్చరించాడు. అతనికి తోడుగా మరొక ఫేసర్ జునైద్ ఖాన్ కోహ్లీ నా బౌలింగులో పద పరుగులు కూడా చేయకుండా వెనుదిరగాడని, చాంపియన్స్ ట్రోఫీలోనూ ఇదే జరుగుతుందని మాటల యుద్ధం మొదలెట్టేశాడు. 
 
కానీ వాస్తవానికి పాక్ ఒక కోహ్లీనే కాకుండా టీమిండియా టాపార్డర్‌ను వీలైనంత త్వరగా చాప చుట్డడమే లక్ష్యంగా పెట్టుకుని మరీ వచ్చిందని ఆట ముగిశాక అర్థమవుతోంది. ఎందుకంటే గత పదేళ్లలో టీమిండియా ఇంత ఘోరంగా పేస్ బౌలింగుకు బలి కావడం ఇదే తొలిసారి. టాపార్డర్‌ను చాపచుట్టేయడం అనే ప్లాన్‌ను పాక్ టీమ్ అద్భుతంగా అమలు చేసింది.
 
ఛాంపియన్స్‌ ట్రోఫీలో భాగంగా భారత్‌-పాకిస్థాన్‌ మధ్య ఆదివారం ఫైనల్‌ జరగనున్న ఈ నేపథ్యంలో ఆమిర్‌ మాట్లాడుతూ.. సారథిగా తొలి ఐసీసీ టోర్నమెంట్‌ ఫైనల్‌ ఆడుతోన్న విరాట్‌ కోహ్లీపైనే ఒత్తిడి అధికంగా ఉంటోందన్నారు. అతన్ని వీలైనంత త్వరగా పెవిలియర్‌ బాట పట్టించడమే తమ ప్రధాన లక్ష్యమని ఆమిర్‌ తెలిపాడు. కోహ్లీ వికెట్‌ తీసేందుకు శాయశక్తులా ప్రయత్నిస్తానని ఈ సందర్భంగా అమిర్‌ తెలిపాడు. 
 
సరిగ్గా అమీర్ తాను చెప్పిన విధంగా తొలి ఓవర్లో రోహిత్ శర్మ పనిపట్టాడు. మూడో ఓవర్‌లో విరాట్ కోహ్లీకి అద్భుతమైన బంతిని సంధించి 5 పరుగుల వ్యక్తిగత స్కోరు వద్ద కోహ్లీని ఔట్ చేశాడు. మూడు ఓవర్లలో 7 పరుగులకు టీమిండియా రెండు కీలక వికెట్లు కోల్పోవడం దానికి కోలుకోలేని దెబ్బ అయింది. టోర్నీలో భాగంగా తొలి రెండు లీగ్‌ మ్యాచ్‌ల్లో వికెట్లు తీయలేకపోయిన ఆమిర్‌.. లంకతో జరిగిన కీలక మ్యాచ్‌లో 2 వికెట్లు పడగొట్టడమే కాక 28పరుగులతో అజేయంగా నిలిచి జట్టు విజయంలో కీలకపాత్ర పోషించాడు. అదే ఎ
టాకింగ్‌ను టీమిండియాపై కూడా సంధించి పాక్‌కు మర్చిపోలేని విజయం సాధించిపెట్టాడు.
 
‘మేం ఇంగ్లాండ్‌ వెళ్తున్నది కేవలం భారత్‌ను ఓడించడానికి మాత్రమే కాదు. ఐసీసీ ఛాంపియన్స్‌ ట్రోఫీ కైవసం చేసుకోవడానికి!’ ఛాంపియన్స్‌ ట్రోఫీకి ముందు పాకిస్థాన్‌ జట్టు ఛీప్‌ సెలెక్టర్‌ ఇంజమామ్‌ ఉల్‌ హక్‌ ఈ మాటలు చెప్పినప్పుడు ఎవ్వరూ నమ్మివుండరు. కోహ్లీసేనపై తొలి మ్యాచ్‌లో 124 పరుగుల తేడాతో చిత్తైనప్పుడు పాక్‌ ఆశలు దాదాపు ఆవిరైపోయాయి. కానీ అందరి అంచనాలను తలకిందులు చేస్తూ రాణించింది దాయాది జట్టు. 
 
ఏ జట్టుపై పాకిస్తాన్ జట్టు చిత్తుగా ఓడిందో అదే భారత జట్టుపై అంతిమ సమరంలో 180 పరుగుల తేడాతో అపూర్వ విజయం సాధించింది. తొలిసారిగా ఐసీసీ ఛాంపియన్స్‌ ట్రోఫీని ముద్దాడింది. ఐసీసీ మూడు ప్రపంచ టైటిళ్లను నెగ్గిన వెస్టిండీస్‌, భారత్‌, శ్రీలంక సరసన నిలిచింది.
 



Widgets Magazine
Widgets Magazine
Widgets Magazine
దీనిపై మరింత చదవండి :  

Loading comments ...

క్రికెట్

news

జడేజా స్థానంలో నేనుంటే పాండ్యాకోసం నా వికెట్ త్యాగం చేసేవాడిని: వీవీఎస్ లక్ష్మణ్ వ్యాఖ్య

కోట్లాది అభిమానలకు షాక్ కలిగిస్తూ టీమిండియా టాపార్డర్ వరుసగట్టి పెవిలియన్‌ దారి పట్టిన ...

news

మొదట బౌలర్లు..తర్వాత బ్యాట్స్‌‌మెన్లూ సెల్ఫ్ గోల్ వేసేశారు.. చిత్తుగా ఓడిన భారత్

జట్టుకూర్పులో దాచిపెట్టిన లోపాలు ఒక్కసారిగా ముందుకొస్తే ఏమవుతుందో భారత జట్టు అక్షరాలా తన ...

news

పాక్ జట్టు మళ్లీ నిరూపించుకుంది.. విజయానికి వారు అర్హులే.. కోహ్లీ ప్రశంసలు

ఎలాంటి అంచనాలు లేకుండా టోర్నీలో అడుగుపెట్టి ఐసీసీ చాంపియన్స్ ట్రోఫీని గెల్చుకున్న ...

news

ఛాంపియన్స్ ట్రోఫీ విజేత పాకిస్తాన్: అంచనాలు అందుకోలేకపోయిన టీమిండియా

చాంపియన్స్ ట్రోఫీ ఫైనల్లో భారత్ కథ ముగిసింది. కోట్లాది భారతీయుల ఆశలను, అంచనాలను ...