శుక్రవారం, 29 మార్చి 2024
  1. ఆధ్యాత్మికం
  2. భవిష్యవాణి
  3. ఫెంగ్ షుయ్
Written By Selvi
Last Updated : బుధవారం, 6 ఆగస్టు 2014 (19:21 IST)

ఫెంగ్‌షుయ్‌‌తో కంటినిండా నిద్ర: కిటికీకి దగ్గరగా మంచాన్ని?

సాధారణంగా చాలా మంది రాత్రి పూట నిద్రలేమితో బాధపడుతుంటారు. ఇందుకు అనేక కారణాలు ఉండవచ్చు. మనసులో ఒత్తిడి, అలసట, ఆందోళనలతో నిద్రకు దూరమవుతుంటారు. అయితే ఈ సమస్యను అధిగమించాలంటే ఫెంగ్‌షూయ్ మార్గాలను అనుసరించి చూడండి.
 
ముందుగా మీరు నిద్రించే మంచం గోడకు ఆనుకుని ఉందా అని గమనించండి. గోడ నుంచి ఓ అడుగు దూరంలో మంచాన్ని అమర్చుకోండి. అంతే కాకుండా మీకు నచ్చిన ప్రకృతి దృశ్యాలను బెడ్‌రూంలో ఉంచుకోండి. తద్వారా మనసు ప్రశాంతతను సంతరించుకుంటుంది. అంతే కాకుండా మీ బెడ్‌ కనిపించేలా ఎదురుగా డ్రెస్సింగ్ టేబుల్, అద్దాలు వంటివి ఉంచకండి.
 
మీ ఇష్ట ప్రకారం ఓ విండ్‌చిమ్‌ను బెడ్‌రూంలో తగిలించండి. లేదంటే నైరుతి మూల వైపు ఓ క్రిస్టల్‌ను ఉంచండి. ఇవి ఉంచడం ద్వారా మీ మనసు ఆహ్లాదంగా ఉంటుంది. గాలి బాగా రావాలని చాలా మంది మంచాలను కిటికీ, తలుపులకు దగ్గరగా వేసుకుంటారు. అయితే దీన్ని ఫెంగ్‌షూయ్ తప్పుగా పరిగణిస్తుంది. కిటికీలకు, తలుపులకు దూరంగా మంచాన్ని వేసుకోవాలి. 
 
అంతే కాకుండా మీకు నచ్చిన మంద్రమైన సంగీతం మీ చెవులను తాకే విధంగా ఏర్పాటు చేసుకోండి. అలా చేయడం ద్వారా మనసు హాయిగా నిద్రపోతుంది. అలాగే జలపాతాల చప్పుడు, అలల శబ్దాలను వింటూ ఉంటే మనసుకు విశ్రాంతి కలిగి నిద్రలోకి జారే అవకాశాలు ఎక్కువగా ఉన్నాయి. బెడ్ లైట్లకు ఎర్ర లైట్లు వాడే బదులు పసుపు, ఆకుపచ్చ, నీలం రంగుల బల్బులను వాడండి.