గురువారం, 28 మార్చి 2024
  1. ఇతరాలు
  2. ఆరోగ్యం
  3. కథనాలు
Written By selvi
Last Updated : ఆదివారం, 15 అక్టోబరు 2017 (16:34 IST)

చెడు కొలెస్ట్రాల్‌ను తగ్గించే వాల్‌నట్స్... సలాడ్స్‌పై చల్లుకుంటే?

వాల్‌నట్స్ రోగాలను నియంత్రిస్తాయని ఆరోగ్య నిపుణులు అంటున్నారు. ఇందులోని పోషక విలువలు చెడు కొలెస్ట్రాల్‌ తగ్గిస్తాయి. జీవక్రియను వేగం చేస్తాయి. మధుమేహాన్ని నియంత్రిస్తాయి. అలాగే ఇవి ఒత్తిడిని తగ్గించడం

వాల్‌నట్స్ రోగాలను నియంత్రిస్తాయని ఆరోగ్య నిపుణులు అంటున్నారు. ఇందులోని పోషక విలువలు చెడు కొలెస్ట్రాల్‌ తగ్గిస్తాయి. జీవక్రియను వేగం చేస్తాయి. మధుమేహాన్ని నియంత్రిస్తాయి. అలాగే ఇవి ఒత్తిడిని తగ్గించడంతో పాటు క్యాన్సర్ కణాల వృద్ధిని సైతం అడ్డుకోగలదు.

వీటిల్లో అధికంగా ఉండే ఒమేగా-3-ఫ్యాటీ ఆమ్లాలు మెదడు పనితీరునీ మెరుగుపరుస్తాయి. నానబెట్టుకుని నిద్రపోయేముందు భోజనంలో భాగంగాగానీ సలాడ్‌మీద చల్లుకునికానీ తినడంవల్ల వాటిల్లోని మెలటోనిన్‌ అనే హార్మోన్‌, క్రమపద్ధతిలో నిద్ర పట్టేలా చేస్తుంది.
 
ఎముక సాంద్రతకు అవసరమైన కాపర్‌, వాల్‌నట్స్‌లో పుష్కలంగా ఉంటుంది. అందుకే వీటిని క్రమం తప్పక తినడంవల్ల ఆస్టియోపొరొసిస్‌ వచ్చే ప్రమాదం తగ్గుతుంది. వీటిల్లోని యాంటీఆక్సిడెంట్లు వృద్ధాప్యాన్నీ అడ్డుకుంటాయి. గర్భిణీలకి ఇవి ఎంతో మేలు. వికారాన్ని తగ్గిస్తాయి. శిశువు మెదడు పెరుగుదలకు తోడ్పడతాయి.

వాల్‌నట్స్‌‌లో విటమిన్లూ ప్రొటీన్లూ ఫ్యాటీఆమ్లాలతో పాటు కాల్షియం, ఐరన్‌, మెగ్నీషియం, ఫాస్ఫరస్‌, పొటాషియం, సోడియం, జింక్‌, కాపర్‌, మాంగనీస్‌, సెలీనియం... వంటి ఎన్నో పోషకాలు లభ్యమవుతాయని ఆరోగ్య నిపుణులు అంటున్నారు.