గురువారం, 28 మార్చి 2024
  1. ఇతరాలు
  2. ఆరోగ్యం
  3. వార్తలు
Written By pnr
Last Updated : ఆదివారం, 5 నవంబరు 2017 (11:53 IST)

అది చేయించుకుంటే పురుషులు కూడా గర్భం దాల్చొచ్చు...

లింగ మార్పిడి చేసుకుంటే పురుషులు కూడా గర్భందాల్చి పిల్లల్ని కనవొచ్చని అమెరికా పునరుత్పత్తి వైద్య సంఘం అధ్యక్షుడు డాక్టర్ రిచర్డ్ పాల్సన్ తెలిపారు. ఇదే అంశంపై ఆయన మాట్లాడుతూ, లింగమార్పిడి చేయించుకున్న

లింగ మార్పిడి చేసుకుంటే పురుషులు కూడా గర్భందాల్చి పిల్లల్ని కనవొచ్చని అమెరికా పునరుత్పత్తి వైద్య సంఘం అధ్యక్షుడు డాక్టర్ రిచర్డ్ పాల్సన్ తెలిపారు. ఇదే అంశంపై ఆయన మాట్లాడుతూ, లింగమార్పిడి చేయించుకున్న పురుషులు... గర్భాశయ మార్పిడికి కూడా ముందుకు రావచ్చన్నారు. అయితే, గర్భాశయంలో పిండం సక్రమంగా ఎదగడానికి మహిళల్లో ప్రకృతిసిద్ధంగా కొన్ని హార్మోన్లు విడుదల అవుతాయాని... ఈ హార్మోన్లను పురుషులకు కృత్రిమంగా ఇవ్వాల్సి ఉంటుందని అన్నారు. ఇందుకు అవసరమైన మందులు కూడా మార్కెట్‌లో విరివిగా లభ్యమవుతున్నాయని చెప్పారు. 
 
టెక్సాస్‌లోని శాన్‌ఆంటోనియోలో జరిగిన సంఘం వార్షిక సమావేశంలో పాల్సన్ మాట్లాడుతూ, లింగ మార్పిడి అనంతరం పురుషుడిలో గర్భాశయాన్ని ప్రవేశపెట్టడానికి శారీరకంగా ఎలాంటి ఇబ్బందులు ఉండబోవన్నారు. అయితే పురుషులు, స్త్రీల మధ్య పొత్తి కడుపు నిర్మాణం విభిన్నంగా ఉంటుందని... ఈ కారణం వల్ల పురుషుల్లో సాధారణ కాన్పు సాధ్యం కాదని తెలిపారు. సిజేరియన్ ద్వారా కాన్పు చేయాల్సి ఉంటుందని వివరించారు.