గురువారం, 28 మార్చి 2024
  1. వినోదం
  2. తెలుగు సినిమా
  3. గుసగుసలు
Written By pnr
Last Updated : గురువారం, 20 ఏప్రియల్ 2017 (14:24 IST)

హీరోల ముందే (ఆరుబయట) దుస్తులు మార్చుకొనేవాళ్లం... సీనియర్ నటి...

సీనియర్ నటి ఒకరు సంచలన నిజాలు వెల్లడించింది. తాము సినీ ఫీల్డులో ఉన్న పరిస్థితులు, సౌకర్యాలకు, ఇపుడున్న సౌకర్యాలను పోల్చుతూ ఈ వ్యాఖ్యలు చేసింది. ఆ నటి ఎవరో కాదు.. అందాల బొద్దుబొమ్మ రాశి.

సీనియర్ నటి ఒకరు సంచలన నిజాలు వెల్లడించింది. తాము సినీ ఫీల్డులో ఉన్న పరిస్థితులు, సౌకర్యాలకు, ఇపుడున్న సౌకర్యాలను పోల్చుతూ ఈ వ్యాఖ్యలు చేసింది. ఆ నటి ఎవరో కాదు.. అందాల బొద్దుబొమ్మ రాశి. 
 
ఆమె నటించిన తాజా చిత్రం ‘లంక’. ఈ చిత్రం శుక్రవారం విడుదల కానుంది. ఈ సందర్భంగా ఆమె మాట్లాడుతూ... 'ఒకప్పటితో పోల్చుకుంటే ఇప్పటి హీరోయిన్స్‌కు సౌకర్యాలు ఎక్కువే. ప్రతి షూటింగ్‌లోనూ కార్‌వ్యాన్‌లు ఉంటున్నాయి. కానీ మేం హీరోయిన్లుగా చేసేటప్పుడు ఏ చెట్టుకింద నీడ ఉందా? అని వెతుక్కునేవాళ్లం. ఫ్యాన్‌లు, కూలర్లు పెట్టుకుని కూర్చునేవాళ్లం. ఊటీ లాంటి ఔట్‌డోర్‌లకు వెళ్లినప్పుడు ఆరుబయటే దుస్తులు మార్చుకోవాల్సి వచ్చేది. కానీ ఇప్పుడు ఆ పరిస్థితి లేదు' అని అన్నారు. 
 
'ఒకప్పుడు ఫిల్మ్‌తో సినిమాలు చేసేవారు. ఫిల్మ్‌ వృథా అవుతుందేమోనని తెగ బాధపడేవాళ్లం. కానీ ఇప్పుడు మొత్తం డిజిటల్‌మయమైంది. ప్రతిదీ తేలికవుతోంది. కాగా, ఈమె తన కెరీర్‌లో దాదాపు 75 చిత్రాలు చేసింది. భవిష్యత్తులోనూ మంచి పాత్రలొస్తే చేయడానికి సిద్ధంగా ఉన్నాను. పలు సినిమాలకు డబ్బింగ్‌ కూడా చెప్పాను. రియాలిటీ షోలు చేయడానికి కూడా రెడీగా ఉన్నట్టు చెప్పుకొచ్చింది.