శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By selvi
Last Updated : శనివారం, 17 మార్చి 2018 (16:40 IST)

విక్టరీ వెంకటేశ్‌- కింగ్ నాగార్జునకు జోడీగా అమలాపాల్

హమ్మయ్య విక్టరీ వెంకటేష్‌కు జోడీ కుదిరింది. చాలా గ్యాప్ తర్వాత అనిల్ రావిపూడి దర్శకత్వంలో వెంకటేష్ చేస్తున్న సినిమాలో హీరోయిన్‌గా అమలా పాల్‌ను తీసుకున్నట్లు తెలుస్తోంది. వెంకీతో నటించేందుకు కాజల్ అగర్

హమ్మయ్య విక్టరీ వెంకటేష్‌కు జోడీ కుదిరింది. చాలా గ్యాప్ తర్వాత అనిల్ రావిపూడి దర్శకత్వంలో వెంకటేష్ చేస్తున్న సినిమాలో హీరోయిన్‌గా అమలా పాల్‌ను తీసుకున్నట్లు తెలుస్తోంది. వెంకీతో నటించేందుకు కాజల్ అగర్వాల్, తమన్నా వంటి హీరోయిన్లు నో చెప్పడంతో చివరికి అమలా పాల్‌ను ఎంపిక ఖరారైనట్లు సమాచారం. 
 
తెలుగులో అమ్మడికి అవకాశాలు అంతంత మాత్రంగానే వుండటంతో వెంకీ సరసన నటించేందుకు అమలాపాల్ గ్రీన్ సిగ్నల్ ఇచ్చినట్లు ఫిలిమ్ నగర్ వర్గాల్లో జోరుగా ప్రచారం సాగుతోంది. ఈ నేపథ్యంలో వెంకీ సరసన ఛాన్స్ కొట్టేసిన అమలా పాల్.. మరిన్ని అవకాశాలు టాలీవుడ్‌లో లభిస్తాయని అమ్మడు భావిస్తోంది.
 
వెంకటేశ్.. వరుణ్ తేజ్ కాంబినేషన్లో అనిల్ రావిపూడి చేస్తున్న మల్టీ స్టారర్ మూవీలో వెంకీ సరసన అమలాపాల్ ఖరారైందని టాక్. మరోవైపు దర్శకుడు శ్రీరామ్ ఆదిత్య కూడా నాగార్జున-నాని కాంబినేషన్లో ఒక మల్టీస్టారర్‌ తెరకెక్కబోతోంది. ఈ చిత్రంలో నాగార్జున జోడీగా అమలా పాల్‌ను ఎంపిక చేసినట్టుగా తెలుస్తోంది. ఇదే కనుక నిజమైతే.. అమలాకు ఇక తిరుగులేదని సినీ పండితులు అంటున్నారు.