శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By Selvi
Last Updated : బుధవారం, 23 ఆగస్టు 2017 (09:33 IST)

''అర్జున్ రెడ్డి'' పోస్టర్లో తప్పుందా అని మీ మనవళ్లు, మనవారాళ్లను అడగండి!

పెళ్ళి చూపులు హీరో విజయ్ దేవరకొండ తాజా సినిమా ''అర్జున్ రెడ్డి'' వివాదాల చుట్టూ తిరుగుతోంది. ఈ సినిమాకు ఇప్పటికే సెన్సార్ బోర్డు ఎ సర్టిఫికేట్ ఇచ్చిన నేపథ్యంలో.. ఆ సినిమా పోస్టర్లు అసభ్యంగా ఉన్నాయంటూ

పెళ్ళి చూపులు హీరో విజయ్ దేవరకొండ తాజా సినిమా ''అర్జున్ రెడ్డి'' వివాదాల చుట్టూ తిరుగుతోంది. ఈ సినిమాకు ఇప్పటికే సెన్సార్ బోర్డు ఎ సర్టిఫికేట్ ఇచ్చిన నేపథ్యంలో.. ఆ సినిమా పోస్టర్లు అసభ్యంగా ఉన్నాయంటూ వస్తున్న వార్తలపై వివాదాస్పద దర్శకుడు రామ్ గోపాల్ వర్మ స్పందించాడు.
 
అర్జున్ రెడ్డి పోస్టర్లు అసభ్యంగా వున్నాయని కాంగ్రెస్ పార్టీ సీనియర్ నేత వి.హనుమంతరావు చించేయడం.. దీనిపై హీరో విజయ్ దేవరకొండ ‘తాతయ్యా...చిల్’ అంటూ తన ట్విట్టర్ ఖాతాలో ట్వీట్ చేయడం హాట్ టాపిక్ అయ్యింది. ఈ వివాదంపై వర్మ స్పందిస్తూ.. ‘అర్జున్ రెడ్డి’కి మద్దతుగా వ్యాఖ్యలు చేశారు. 
 
తాతయ్యా..‘అర్జున్ రెడ్డి’ పోస్టర్ లో ఏమైనా తప్పు ఉందేమో మీ మనవళ్లను, మనవరాళ్లను అడగండి? అంటూ వర్మ అన్నారు. ‘అర్జున్ రెడ్డి’ సినిమా కచ్చితంగా మనవళ్లు, మనవరాళ్ల కోసమే కానీ, పాత ఆలోచనా ధోరణిలో ఉండే తాతయ్యల కోసం కాదు.. జస్ట్ చిల్ అంటూ వ్యంగ్యాస్త్రాలు సంధించారు.  
 
బస్సుపై ఉన్న''అర్జున్ రెడ్డి" పోస్టర్‌ను తొలగిస్తున్న వి.హనుమంతరావు ఫొటోను తన ‘ఫేస్ బుక్’ ఖాతాలో పోస్ట్ చేసిన వర్మ.. మీ పార్టీ తాతయ్య అయిపోయిందన్నారు. వీహెచ్ పిల్ల చేష్టల ద్వారా ప్రజలు, మనవళ్లు, మనవరాళ్లు వచ్చే ఎన్నికల్లోనూ ఆ తర్వాత కూడా ఓటు వెయ్యరని ఎద్దేవా చేశారు.